Featured Post Today
print this page
Latest Post

AJALI MBAYA YATOKEA KABUKU TANGA

AJALI MBAYA YATOKEA KABUKU TANGA






 Lori la Mizigo likiwa limeacha njia jana, baada ya kugongana na basi katika eneo la Kabuku mkoani Tanga na kuyahusisha magari matatu katika ajali hiyo. (Picha na Francis Dande) 

 Askari wa usalama barabarani wakiwa katika eneo la tukio.
Baadhi ya watu wakishuhudia ajali iliyoyakutanisha malori mawili pamoja na basi la abiria lenye namba za usajili T 158 BXG, iliyotokea jana katika eneo la Kabuku, mkoani Tanga.
0 comments

WANA-TANGA WAAOMBWA KUCHANGIA UJENZI WA BARABARA YA KWEMATINDI-GARE

WANA-TANGA WAAOMBWA KUCHANGIA UJENZI WA BARABARA YA KWEMATINDI-GARE



WAKAZI wa Kijiji cha Gare, Kata ya Magoroto, Wilaya ya Muheza, mkoani Tanga, wanaomba wadau na wananchi wenye mapenzi mema kuchangia ujenzi wa barabara ya Kijiji cha Kwematindi hadi Gare, kwa kuwa inachangia kuzorotesha uchumi wao.

Mkakati wa kuomba msaada wa ujezni wa barabara hiyo umeanza baada ya kuona Serikali ya Kijiji na Kata hawana mpango wa kuendeleza kijiji hicho ambacho hakina barabara tangu uhuru.

Barabara hiyo imekuwa kikwazo cha shughuli nyingi za kiuchumi, hasa kipindi cha masika, hali inayohitaji jitihada za haraka kuijenga kwa maslahi ya wananchi wa kijiji hicho na Taifa kwa ujumla.

Lakini kutokuwepo kwa barabara hiyo imekuwa ni chanzo cha umasikini kwa wakazi wa kijiji hicho ambao wengi wao ni wakulima na wanashindwa kufanya shughuli zao za kuinua uchumi kutokana na miundombinu ya barabara ambayo imekuwa ikiwakwamisha kusafirisha bidhaa zao na wananchi kushindwa kufika kijijini kwa urahisi.
Kukosekana kwa barabara hiyo kumewanyima wanakijiji fursa ya kupata huduma za jamii kama vile shule na hospitali hali inayochangia kurudi nyuma kimaendeleo.

Barabara hiyo korofi na isiyopitika kwa magari wala pikipiki, inahitaji kuchongwa kwa gharama ya Sh Mil 13,120,000 hali ambayo imekuwa ngumu kwa kuwa wanakijiji wengi hawana uwezo huo kutokana na kukosa kipato na hivyo ni muda muafaka kwa wananchi, hasa wanaoishi Dar es Salam watokao mkoani Tanga, kusaidia harakati za ujenzi wa barabara hii, kwa kuwa baada ya mambo yote nyumbani ni muhimu.

“Naomba niwakumbushe ndugu zangu wanaoishi Dar es Salaam na mikoa mingine na wale wanaoishi nje ya nchi watokao mkoani Tanga wakumbuke nyumbani kwa kuchangia maendeleo kwa kuwa nyumbani ni nyumbani”

Kwa yeyote atakayeguswa achangie kupitia akaunti namba 41910000967 NMB au Tigo Pesa, 0719 242943, M-pesa 0767 216006 na Airtel Money 0786 645765, msaada unaweza kuanzia unapoweza kujikuna.
Imetolewa na Katibu WKGM, Andrew Kibuyu 076721600
0 comments

Vyakula vya asili kupatikana ndani ya Tamasha la Handeni Kwetu

Vyakula vya asili kupatikana ndani ya Tamasha la Handeni Kwetu

Na Mwandishi Wetu, Handeni
BAADHI ya vyakula vya asili ya Handeni, vinatarajiwa kuwapo katika Tamasha la Utamaduni la Handeni Kwetu 2013 linalotarajiwa kufanyika Jumamosi hii katika Viwanja vya Azimio, wilayani Handeni, mkoani Tanga.
Mkuu wa Wilaya Handeni, Muhingo Rweyemamu, pichani. DC ni miongoni mwa viongozi wa juu serikalini wanaoliunga mkono Tamasha hili linalofanyika kwa mara ya kwanza wilayani Handeni, huku likisubiriwa kwa hamu na wadau wa utamaduni na maendeleo hapa nchini.
Kambi Mbwana, Mratibu wa Tamasha la Utamaduni Handeni, maarufu kama Handeni Kwetu 2013, pichani. Maandalizi yamezidi kupamba moto na watu wote wanakaribishwa kujionea burudani za aina yake kwenye tukio hili la aina yake.

Akizungumza jana mjini Handeni, Mratibu wa Tamasha hilo, Kambi Mbwana, alisema kuwa tayari wametoa nafasi kwa wanaoweza kazi hiyo kwa umakini na usafi wa aina yake ili kuliweka tamasha hilo kwenye mguso wa aina yake.

Alisema taratibu zote zimeshafanyika ikiwamo kutembelea vikundi vitakavyotoa burudani, ambapo Mkuu wa wilaya ya Handeni, Muhingo Rweyemamu, alitumia muda mwingi kuwahamasisha wadau kuhudhuria kwa wingi katika tamasha hilo, kupitia sherehe za Uhuru zilizofanyika wilayani humo Desemba 9 mwaka huu.

“Kila kitu kimekamilika, tukiamini kuwa wadau wote watakaohudhuria kwenye tamasha hilo watapata fursa ya kula vyaku7la vya asili, maana pia ni sehemu ya utamaduni wa Handeni.

“Sisi tunaamini hili ni tamasha la aina yake ambalo litashangaza watu wengi kutokana na kuandaliwa kwa kiwango cha juu, huku likianzia kwa maandamano katika Ofisi za Halmashauri ya mji Handeni kuanzia saa 2 asubuhi na kuelekea Uwanja wa Azimio,” alisema.

Kwa mujibu wa Mbwana, watu hawataruhusiwa kuingia uwanjani na vyakula wala vinywaji ili kudhibiti suala la afya za watu kwa kupitia tamasha hilo linalosubiriwa kwa hamu na Watanzania wote, hususan wapenzi wa utamaduni hapa nchini.

 Wadhamini katika tamasha hilo ni gazeti la Mwananchi, Clouds Media Group, Phed Trans, Clouds Media Group, Grace Products, Screen Masters, Saluti5.com, Dullah Tiles & Construction Ltd, Katomu Solar Specialist, PLAN B SOLUTIONS (T) LTD, Country Business Directory (CBD), Michuzi Media Group, duka la mavazi la Chichi Local Ware, Smart Mind & Partnership, Lukaza Blog, Kajunason Blog, Jiachie
Blog na Taifa Letu.com.

0 comments
 
Copyright © 2011. TANGA LEO - All Rights Reserved
Proudly powered by Blogger